Sala d'Arme Achille Marozzo
Istituto per lo Studio della Scherma Antica
I Trattati
Fiore dei Liberi
Flos Duellatorum - Copia Collezione "Pisani-Dossi"
TRASCRIZIONE della parte Testuale
(Prologo II)
Alter Prologus (altro prologo)
De mille quatrocento e noue a dì X de lo mese de febraro fo principiada de mi fior furlano dei liberi de Ciuidal d'ostria che fo de meser benedecto de la casada dei liberi da premergiago aquesta glosa la qual tracta in facto de armiçar e de conbatere a corpo a corpo: zoè lança açça spada e daga e abrazare a pe e a cauallo in arme e sença arme e d' altre cosse che apertene ad armeçar. E de tute queste cosse noy faremo li remedij e li contrarij, si che un siguirà l'altro. E questa presente glosa reciterà tuto nostro sauer e nostra intencione de tuto quello che noy auemo ueçudo de multi magistri e scholari e armeçaduri e duchi principi marchesi conti chaualieri e schuderi e de altri innumerabilli homeni de diuersse prouincie e anchora cosse trouade da noy: anchora serano guardie de tute arme e zoghi e couerte e feride e prese e ligadure e roture e dislogadure de braçi e gambe e torsion e lesion e in li lochi più perigolusi, segondo che lo maysterio de questa arte uolle; chè male se pò tener a mente sença libri e scriptura sì longissima arte e non serà çamay nesun bon scholar sença libri: guarda como porà essere bon magistro; chè io predito fior ò ueçudo mille chiamati magistri che non sono de tuti loro quatro boni scholari e de quilli quatro boni scholari non seria uno bon magistro. La qual supradita glosa è fata cum tuto lo nostro sauer sopra uno libro isturiado de figure depento sopra lo qualle andarano aqueste glose e rubriche de numero in numero. E le dicte figure dipente serano diuisade; cum zò sia cossa che li magistri che comenzano lor çoghi portarano per insegna una corona d'oro in testa e li lor scholari che siguirano lor çoghi portarano una lista d'oro soto el zenochio e li magistri che serano contrarij de li altri magistri hauerano corona d'oro in testa e diuisa d'oro soto lo zenochio; e sopra ogni çogho la sua glosa, la qual sopradicta glosa e anchora lo libro istoriado de figure dipento è fato appeticione de lo Illustro et Excelso Meser Nicholò Signor Marchese de la cità de ferara e de la cità de modena e de parma e de reço citade. In la qual glosa parlaremo cum tuto nostro sauer. E prima diremo de abraçar a pe' e poy de li altre cosse de armiçar, segondo che uoy uederiti dipento e ordenato per lo dicto fior. E si començaremo a lo abraçar al nome de dio e de meser sant çorço bon chaualier. Lo abraçar uole vij cosse: zoè forteza presteza de pie' e de braci e prese auantaçade e roture e ligadure e percusion e lesion, segondo che uoij uederiti in le figure dipente; e masimamente in çoghi che se guadagnano le prese zaschun cum suo sauer e cum sua malitia. Chè zoghi che se piglia de concordia, le prese se fa d'amore e non da ira. E sopra l'arte de l'abraçar che se fa a guadagnar le prese tal uolta se fa da ira e alguna uolta per la uita e sono prese e zoghi che non se pò çugar de cortesia, anche sono çoghi pericolusi da çugar. E sopra quello tractaremo li çoghi auantaçadi e più forti e quilli che più besognano in arme che sença per più deffesa de lo homo e più segurtade e faremo sì che leçeramente se porano intendere per le parole scripte e per le figure dipente. E principiamo prima de abraçar a pe a guadagnar le prese e anchora prese facte de concordia. Poy serano iiij magistri incoronadi che serano magistri de la daga e de l'arte che apertene a la daga. Poy trouariti iiij cum septe spade adosso che àno a significar li vij colpi de la spada. Poy trouariti uno magistro contra iii scolari che fa el zogho de la spada d'una mane sença bucolero. Poy trouariti uno cum uno bastone et cum una daga ch'è magistro che fa contra uno che ha la lança. Poy trouariti uno altro magistro cum duy bastuni e cum una daga contra uno che ha una lança. Poy trouariti le guardie de la lança che sono vi magistri: li primi iij magistri çogano de parte drita, li altri tri che segueno zogano de parte stancha. Poy trouariti duy re cum due spade che spetano che illi sia lançade lançe e spade e spetano le proprie guardie che se deno aspetar. Poy trouariti duy per duy modi como se pò desferar uno che sia inferà cum una lança. Por trouariti uno homo cum septe spade adosso cum iiij figure intorno; e si se porà uedere zò che à a significar le dicte figure e le dicte spade. Poy trouariti vj magistri incoronadi cum vj spade e uno non porta la spada che fa l'altro e lì uederiti per che rasone una è diuisa da l'altra. Poy uederiti xij magistri incoronadi uno dredo l'altro, li quali magistri stano in le guardie de la spada. Poy trouariti duy magistri incrosadi che comença uno ferire de çogho largo in la golla del conpagno.Poy trouariti duy altri magistri incoronadi che hano tri zoghi de zogho largo. Poy trouariti uno altro magistro incoronado che ha dodexe scolari che fano soy zoghi e lo primo zogho si è lo colpo de lo uilano. Poy dredo de quisti xij zoghi trouariti uno contrario che mete la punta in lo uolto a lo conpagno. Poy trouariti ij magistri incoronadi che sono incrosadi a meça spada, li quali magistri pono far tuti li zoghi che segueno dredo infino che non se troua uno altro re e cussì pono far uno de quilli magistri aquilli zoghi l'uno como l'altro, segondo che l'uno ha più presteça de l'altro, saluo che tra quisti zoghi de quisti duy magistri incrosadi trouariti v magistri contrarij de li dicti duy magistri incrosadi che fano contra lor zoghi stricti e maximamente contra çascadun tor de spada e ualeno più in arme che sença, ben che sono boni in una arte e in l'altra, zoè in arme e sença. Poy trouariti uno magistro incoronado ch'è incrosado cum uno altro de parte riuerssa; e lì dredo serano soy duy çoghi. Poy trouariti uno magistro incoronado che fa uno contrario. Poy trouariti uno magistro che tiene uno soto lo braço per butarlo in terra cum tuta la spada. Poy trouariti quatro scolari che fano quatro tor de spada e lì finisse lo çogho de la spada a due mane. Poy trouariti vj magistri incoronadi armati cum spade in mano, li qualli magistri stano in lor guardie e una contra l'altra per uegner a le prese ali zoghi che segueno; li quali zoghi sono x . Poy trouariti quatro magistri cum iiij aççe in guardia e una guardia contra l'altra, li qualli magistri pono far cinque zoghi ed altri zoghi che sono in lo çogho
2B (2 VERSO)
de la spada che ben in farò mentione. Poy trouariti far punte de lança e una lança contra l'altra a chauallo e una lança curta cum la longa e altri partidi anchora spada contra lança per diuerssi modi. Poy trouariti de spada a spada e li ferieri de le spade l'uno homo contra l'altro e tor de spada e butar da çhauallo per diuerssi modi e '1 pro e '1 contra. Anchora uederiti çoghi de braçe per diuerssi modi. Anchora uederiti uno che uole butar uno altro a terra cum tuto lo chauallo. Anchora uederiti uno che uole trare la brena de mane a uno altro. Anchora uederiti uno magistro a pe' incoronato cum uno spedo in mane e quello che luy pò far cum lo spedo poria far cum una lanza cum uno bastone e anchora cum una spada, çoè che questo magistro speta iij a cauallo: lo primo porta la lança soto mane, lo segondo la porta arestada, lo terzo uole butar sua lança contra de quelo magistro, lo qualle magistro si è suficiente de far soi çoghi che il segueno, çoè duy çoghi. Poy trouariti uno magistro incoronado a cauallo cum una lança arestada che ua contra uno altro per far punte de lança, lo qualle dicto magistro si ha una corda ch'è ligada a la lança sua e entra la dicta corda entro la sella de lo suo chauallo, la qual chorda si è longa ben quatro braça o più e cum questa lanza uole ferire lo conpagno o butare la dicta lança a lo collo de lo conpagno per strasinarlo da chauallo. Poy trouariti uno magistro incoronato cum una daga in mane che speta a uno a uno duy conpagni cum spade contra luy e lì uederiti. soy çoghi. Poy uederiti partidi de spada con tra daga che ben farò che se porano intendere liçeramente per le parole soprascripte, çoè per la glosa. Poy trouariti una açça sola molto cautelosa e lauorada per modo che lo primo colpo che la fieri in lo uolto, lo conpagno subito receuudo lo colpo perde la uista per modo che serà grande briga che ueda zamay. Anchora uederiti uno magistro incoronato cum una açça in mane che à butada una corda con lo stropeduro de la sua açça ch'è graue una libra o più intorno le gambe a lo conpagno; tirando luy la sua açça zitarà lo conpagno in terra. E sopra tuti quisti çoghi desopra nominati serano facte le lor glose cum si facta declaratione che ben se porano intendere liçeramente. Io predicto Fior prego el mio signor marchese che lo libro li sia arecomandado, perché Voy non trouariti may uno parechio de questo, però che magistri non se trouaria che saueseno far si facti libri nè anchora intendere in lo libro pocho o niente et etiam per lo longo tempo che io sonto stato a farlo, non sonto per fame più nesuno de tanta quantità como è questo; chè per mia fede io li sonto sta' meço anno a farlo, sì che io non uoio più de queste brige per lo tempo uechio che me incalça. Dio guardi lo segnore Marchese Nichollò da este signore de la cità de ferara de la cità de modena de la cità de parma e de la cità de reço.
|
|
|
